Raastas, Reload & Packages Nehgevumah(Mobile Top Up Click)🤗 Ad by Fahumee  |
| ގަލިލީ ކަނޑު |
ގަލިލީ ކަނޑަކީ އިސްރާއީލުގައި އޮންނަ ފެނުގެ
ކުޅިއެކެވެ. މިތަނަށް
އަރަބިބަހުންކިޔަނީ "ބުހައިރަތު ތޮބަރީޔާ" ޓައިބޭރިއަސް ކުޅިއެވެ. މި ކުޅި
އޮންނަނީ އުތުރު އިސްރާއީލުގައި ގޯލާން އުސްބިންތަކާކައިރީގައެވެ. މިއީ އިސްރާއީލުގައި
އޮންނަ އެންމެ ބޮޑު ތާޒާފެނުގެ ކުޅިއެވެ. މިކުޅިއޮންނަނީ ދުނިޔޭގެ ކަނޑުގެ
ލެވެލްއައްވުރެ 215 މީޓަރު (705ފޫޓު) ތިރީގައެވެ. މިއީ ދުނިޔޭގައިވާ އެންމެ ތިރި ފެނުގެ
ކުޅިއެވެ. އަދި "ޑެޑް ސީ" މަރު ކަނޑު ފިޔަވައި ދުނިޔޭގައިވާ އެންމެތިރި
ކުޅިވެސްމެއެވެ. މިކުޅީގެ ބޮޑުމިނުގައި 53 ކިލޯމީޓަރު (33މޭލު) ހުރެއެވެ. ދިގުމިނުގައި ގާތްގަޑަކަށް 21 ކިލޯމީޓަރު
(13މޭލު) ހުންނައިރު ފުޅާމިނުގައި 13 ކިލޯމީޓަރު(8.1 މޭލު) ހުރެއެވެ. އަދި
މިކުޅީގެ އެންމެފުންމިނުގައި ހުންނަނީ 43 މީޓަރު ނުވަތަ 141 ފޫޓެވެ. މި ކުޅިއަށް
އަޑިން ފެންއައިކަމުގައިވިއަސް މައިގަނޑުގޮތެއްގައި ފެންއަންނަނީ އުރުދޫން
ކޯރުންނެވެ.
މި ކުޅިއަކީ އެތައްގޮތަކުން ވަރަށް
ހާއްސަތަނެކެވެ. އެގޮތުންމިތަނަކީވަރަށް ޤަދީމީ ތާރީޚެއްއޮތް ފަތުރުވެރީން ޒިޔާރަތްކުރާ
މަސްވެރިކަމުގެގޮތުންނާއި ފެނުގެ ގޮތުން މުއްސަނދިތަނެކެވެ. އެގޮތުން މިތަނަކީ ކުރިސްޓިއަންދީނުގެ ވަރަށް މުހިންމު
ދީނީ ކަންތައްތަކަކާގުޅިފައިވާތަނެކެވެ. މިހެންވެ މިތަންވަނީމިހާރު ކުރިސްޓިއަނުންގެއެތަށްބަޔަކު
ދީނީގޮތުން ޒިޔާރާތްކުރާތަނަކަށްވެފައެވެ. އެމީހުންގަބޫލުކުރާގޮތުގައި މިތަނާއި
މިތަނުގެ ވަށައިގެންވާ ތަންތަނަކީ ސަލާމްލެއްވި ޢީސާ އަލައިހިއްސަލާމް
ދިރިއުޅުއްވާ ދީނަށްގޮވާލެއްވި އަދި އެތައް މުއުޖިޒާތްތަކެއް ދެއްކެވިތަނެކެވެ. އޭގެތެރޭގައި
މި ކުޅީގެ ފެންގަނޑުމަތީގައި ޢީސާ(އ) ހިންގެވުމާއި ތުފާން ހުއްޓެވުމާއި ހަވާރިއްޔޫންނާއެކު މަސްދޯނިފުރާ މަސްހިފުމާއި ފަސްހާސްމީހުންނަށް
ކާންދެއްވުންހިމެނެއެވެ.
